Seo cur síos André Looijenga ar an saothar liteartha a chruthaigh sé do Focail Eile in Bitola, an Mhacadóin: ‘Tá mo ghearrscéal taistil An Traein go Monastir bunaithe ar mo thuras ar thraein agus ar bhus idir Búdaipeist agus Bitola i Meitheamh 2016. Tá mo léargais ar thírdhreacha, cathracha, trasnú teorainneacha agus uaireanta a casadh orm de sheans taistealaithe eile agus daoine áitiúla fite fuaite le cuimhní ar stair na mBalcán, go háirithe a fhad le leath deiridh réimeas na nOtománach sa Mhacadóin.’

Gan Teorainn is ea an teideal ar an díolaim dánta a chruthaigh Beatriz Chivite Ezkieta le linn di tréimhse chónaithe chruthaitheach liteartha a chaitheamh i gCathair Maribor, an tSlóivéin.

Scríobh Colm Ó Ceallacháin an gearrscéal 'Ré na bhFathach' le linn a thréimhse cónaitheach i dTír na mBascach i bhfómhar na bliana 2017.

Scéal todhchaíoch is ea 2051 Lastall de Útóipe (2051 Utopia iragan sa bhunleagan) leis an scríbhneoir Bascach Ekaitz Goienetxea atá aistrithe ón mBascais go díreach go Béarla agus ón mBéarla go Gaeilge. Scríobh sé é le linn cónaí cruthaitheach i gcathair Maribor, an tSlóivéin, san earrach in 2016.

Is é Triptic an teideal a thug Cathal ar an saothar próis cruthaitheach ar chuir sé tús leis le linn a thréimhse chónaithe in Maribor sa tSlóivéin i bhfómhar na bliana 2016. Thosaigh sé le smaoineadh do thrí ghearrscéal chomhcheangailte ach chuaigh an obair i dtreo nóibhille.